كل سنه وانا طيب

July 1, 2008 at 2:57 am | In عـــام | 20 Comments

سـلام من الله عليكم ورحمته وبركاته ومغفرته ورضوانه

النهارده يوم 1 سبعـه لعـام 2008 , بشروق فجـر اليوم ده يبقي انـا كدا عندي 19 سنه , وانا صغير كنت بقـول ياه فين اما ابقي في اعدادي ,

وكنت ساعتها في تانيه ابتدائي – فـاكر كويس جـدا الموقف ده

– وكنت متخيل الناس الي عندها 17 و 20 دول كبـار اوي , قولت فين لما ابقي كبير زيهم كدا , والحمد لله بقيت كبير زيهـم دلوقتي

في الكـام سنه الي فاتت , تكونت عندي افكـار جديده وكويسه , بحاول دائمـا ان انا احسن من نفسي , دائمـا بحاول اقرب من ربنـا اكتر واكتر , واحمد الله اني في تقدم مستمـر , ودائمـا كل ما بتتقدم في العمـر بتكتسب خبرات جديده في الحيـاه , الخبرات دي هتبقي المرجع ليك لما يقابلك اي موقف قـدام وعن طريقها بتحسن من نفسك دائمـا .

وانـا علي ثقـه بالمقوله الي بتقول ” الانسـان يعمـل علي تقويم وتحسين نفسه طوال حياته ” , فحـاول تستفـاد بوقتك دائمـا في كل حاجه تفيدك , لا عمـر الانسـان ما هو الا الوقت الذي يقضيه في الدنيـا , فحاول انك تتعلم حاجه تنفعك وتفيد ناس تانيه من الي انت اتعلمته ده .

نقطـه اخيـره , النهارده يوم ميـلادي يا تري الواحد يفرح ولا يحـزن ؟؟؟!!!

تفرح علي سنه جديده من عمرك جت , ولا تحزن لان عمرك مع كل سنه جديده بيقرب ينتهي ؟

انا شخصيــا بفـرح , لاني مبحبش الحـزن !!

كفايه رغي بقي , وكل سنه وانا طيب .

20 Comments »

RSS feed for comments on this post. TrackBack URI

يا هلاااااااااا كريممممممممممم الف الف الف مبروووك

تكبر على طاعة الله ورضاه ان شاء الله .. يا قلبي ..

انا بعد في رقم 5 اكون صاحب 20 هع هههههههههههههه

تسلم حبوبي .. دعواتكم ..

Comment by فهد — July 1, 2008 #
كل عام وأنت بألف ألف خير أخي كريم و عقبال 100 سنة ان شاء الله

ويالله افرح صار عمرك 19 و صرت من الكبار

Comment by Br4v3-H34r7 — July 1, 2008 #
الله يبارك في عمرك فهـد ,
نسال الله دوام الطاعه , امين يا رب العالمين
وان شاء الله تكمل ال 20 لحد ما يوصلوا ل 90

Comment by Mutati0N — July 1, 2008 #
وانت بخير وصحه يا عبده ,
اه خلاص يا عم الواحد كبر وعجز
مودتي يا باشا

Comment by Mutati0N — July 1, 2008 #
ههههههههه كل سنة وانت طيب يا ابني وعقبال مليون وواحد سنه
بس بلاش تفكرنا بالأبتدائيه لانها كانت مرحله بتفكرني باللاحريه
وربنا يبارك في عمرك في اللي راح واللي جاي
امين

Comment by EncrYpted — July 1, 2008 #
تسلم قلبي كريم .. الله يجزاك كل خير ..

لكن اذا ممكن تكلمني بالخاص مسنجر المجتمع ..

Comment by فهد — July 1, 2008 #
كل سنه وانت طيب با جميل
وكل سنه وبـلوجك متميز
وربنا يوفـقــك فى حياتك والقادم احسن
ان شاء الله

Comment by schritte — July 1, 2008 #
EncrYpted : وانت طيب يا احـد , ومليون ايه يا عم انت بتبالغ اوي هما 900000 كويسين
وايام الابتدائيه دي ايـام جامده والله
جزاك الله خير يا حبي علي الكلام الجميل
فهد : هحاول ان شاء الله يا فهد , عشان حاليا في مشاكل
schritte : وانت طيب يا باشا ,
ويوفقنا ربنا جميعـا يا صديقي

Comment by Mutati0N — July 1, 2008 #
كل سنة وأنت أجمل وأجمل وأكثر تطويرا لذاتك وعقلك وأكثر قربا من ربنا عزوجل

Comment by ahmed — July 2, 2008 #
جزاك الله خيرا يا احمد علي الدعوات دي ,
بارك الله فيك يا صديقي

Comment by Mutati0N — July 2, 2008 #
كل سنة و أنت طيب يا كريم
و امبارح البلوج النهرده أنت
و معلش بقالى كتير بدخلش المدونة
و ربنا يوفق

Comment by abom — July 2, 2008 #
abom : وانت طيب يا عبد الرحمن ,
وانا والبلوج واحد , اتنين في واحد يعني
ولا يهمك يا باشا , وبتنور دائمـا
ربنا يوفقنا جميـا باذن الله

Comment by Mutati0N — July 2, 2008 #
كل سنة وانت بخير
والى الله أقرب
ربنا يوفقك ويكرمك

Comment by هوندا — July 2, 2008 #
وانتي بخير ,
والله يوفقنـا جميعـا

Comment by Mutati0N — July 2, 2008 #
كل سنه وانت بخير ياكريم ،، وعقبال 100 سنه .

Comment by snix — July 4, 2008 #
وانت بخيـر يا سامي , شكرا جزيـلا علي الرد
ومتحرمناش من تصاميمك دائمـ

Comment by Mutati0N — July 4, 2008 #
كل سنة وانت طيب يا كريم و عقبال 99 سنة عشان بس متقولش اني ببالغ بس
و كل سنة و انت في تطور و قرب من الخالق عز وجل

Comment by whitetornido — July 5, 2008 #
وانتي بصحه وخير يا فاطمه ,
وربنا يسمع منك يا فاطمه

Comment by Mutati0N — July 5, 2008 #
كل سنة و انت طيب يا كريم و عقبال مليون سنة

Comment by Amaiko — July 7, 2008 #
وانت طب يااحمـد ,
ومليون ايه يا جدعـان , هما 20 حلوين
شكرا يا صديقي علي المرور

Comment by Mutati0N — July 7, 2008 #